<阿母的祕密>

黃文俊
選文
注釋
1. 做塗水 〔tsò thôo-tsuí〕 :意指從事泥水匠的工作。
2. 猶原 〔iu-guân〕 :仍然、依舊、還是。
3. 做油湯 〔tsò iû-thng〕 :意指販賣包含有熱湯類的點心小吃生意
4. 錢水 〔tsînn-tsuí〕 :現金收入或支出的統稱,或可稱為現金流
5. 大主大意 〔tuā-tsú-tuā-ì〕 :不與他人商量、自作主張的意思
6. 弄枴仔花 〔lāng kuái-á-hue〕 :原本是指乞丐乞得食物、吃飽喝 足後,拿著打狗棒揮舞的動作,在此引伸為作者的父親賺到錢以 後可能會借錢給別人的意思。
7. 私奇 〔sai-khia〕 :私房錢,指個人私下儲存的積蓄
8. 𨑨迌人 〔tshit-thô-lâng〕 :指不務正業、遊戲人間的人,或者黑道 中人,在此指在夜市收取保護費的流氓
9. 敲油 〔khà-iû〕 :揩油、敲竹槓。以強迫性的手段謀取利益或占人 便宜。
10. 欹空 〔khia-khang〕 :故意找麻煩
11. 夜幫車 〔iā-pang-tshia〕 :專指於深夜發車、清晨抵達目的地的夜 間班車。
12. 敆做伙 〔kap tsò-hué〕 :把物品組合或金錢合成一筆的意思
13. 會仔錢 〔huē-á-tsînn〕 :臺灣早期的一種民間私人互助借貸的理財方式,由發起人擔任會首,向各會員輪流收取一定額度的現金,有急需的人可投標一定金額扣除後,做為給其他尚未投標者的利息,當所有人輪完後,會首和提早投標者可較早取得現金周轉,較晚投標者可賺得利息,但後來因經常產生財務糾紛而逐漸式微。
題解

這篇文章對「祕密」這兩字入題,描述作者細漢的時厝內散食,規家伙仔對庄跤搬去臺北拍拚的故事。頭先,做油湯的生理有趁寡錢,煞引來親情朋友欲共愛面子的老爸借錢,𪜶阿母為著無愛拍歹翁仔某的感情,偷偷仔共錢儉佇「祕密」的口座,尾仔煞成做𪜶搬轉去庄跤買地、起厝的基金,這个「祕密」共𪜶厝內的人對未來的向望,攏箍做伙矣。

作者

   黃文俊,1968年出世佇嘉義縣中埔的庄跤。嘉義師專畢業、臺中師範學院國民教育研究所碩士。現此時是臺中市何厝國小教師,兼任教育部國教署中央輔導團本土語文組諮詢教師的工課。

   伊佇教學的過程中感受語言傳承的重要,就栽入去閩南語創作的天地,嘛四界去推捒、鼓勵老師參加本土語言認證,同齊為母語來拍拚。

   散文作品<臭豆腐的滋味>、<佇海拔3275公尺頂懸喘氣>捌得著教育部閩客語文學獎;<生--的佮養--的>得著《台文戰線》文學獎優等;閣有<我又閣夢著阿母矣>、<阮兜的早頓>、<阿母的祕密>、<說多謝>、<陪阿母坐高鐵>捌入選教育部閩南語朗讀稿。

   小說<廖董--的>、<廟公是『007』>、<光明燈>捌得著教育部閩客語文學獎,<股份無限公司>、<萬能𥴊仔店>得著台文戰線文學獎優等、<楊桃將軍>得著臺南文學獎優等,2018年由島鄉台文工作室出版小說集《楊桃將軍》。

   現代詩作品多數是對社會現象的觀察為主,有<青春的代價>、<安養院的中晝頓>、<王梨的滋味>等幾十首,捌發表佇《台文戰線》、《臺江臺文雜誌》、《海翁台文雜誌》等刊物。

 

問題與討論

1.若準是恁兜拄著𨑨迌人欲共恁討保護費,你感覺有啥物方法會當處理這个問題?

2.請問你對文章的內容想看覓,是按怎作者的兄弟姊妹會保守彼个「祕密」遐爾久?

3.若準你是作者,看著阿爸予厝內的人的瞞騙遐爾久,心內有啥物感覺?請你講看覓。

4.對文章的內容來看,你認為作者的老爸可能是一个啥物款的人,請你講看覓。

賞析

本篇文章採用時序倒反的『倒敘法』,以作者第一人稱的觀點來描寫代誌的經過。

代先,對國小三年仔開始,描寫規家伙仔去臺北拍拚拄著的困難佮開始排擔仔做生理的經過;紲咧描寫佇異鄉沓沓仔有趁著錢,煞有人欲共𪜶老爸借錢、引起爸母意見袂合的衝突;閣再來,為著無愛翁仔某為著借錢予人的代誌咧冤家,作者的老母決定欲瞞騙翁婿,偷偷仔開一个口座來儉私奇,囝兒序細嘛攏支持𪜶老母的決定;上尾,因為受𨑨迌人的壓迫,佇𪜶規家伙仔不得已愛搬轉去庄跤覕的時陣,彼本祕密的寄金簿仔煞成做𪜶兜買地、起厝的基礎。

全篇以「祕密」號名,卻是一个家庭的女主人,為著欲替規家伙仔的未來拍算,實在不得已的做法。主要的思考,徛佇「無愛翁仔某拍歹感情」,表面上是瞞騙翁婿,煞得著所有囝兒序細的支持,有「祕密」的名,顛倒毋是「祕密」,而且變成共規家伙仔箍做伙的力量。

 

學習單

名稱:我的寄金簿仔

1.請同學去查詢看覓,以恁猶未滿二十歲的身份,去郵局抑是銀行開戶,需要準備啥物證件佮資料?並且畫一个簡單的流程。

回答:

a. 未滿二十歲需要準備的證件佮資料:

b.流程說明:

2.若準恁已經滿二十歲矣,去郵局抑是銀行開戶,需要準備啥物證件佮資料?佮未成年開戶有啥物差別,請講看覓。

回答: a.年滿二十歲需要準備的證件佮資料:

b.佮未成年開戶的差別:

3.根據以上兩題,請恁以3~4个同學討論看覓,為啥物未滿二十歲佮 滿二十歲的人欲開戶,需要準備的證件佮資料無仝款?請講出恁的看法。

回答

資料提供:
發音
意義
衍伸詞
參考例句

輔助小鍵盤

ˋ
^
ˇ
-
'
閩南語線上輸入法 ( 測試版 )
查詢中
查無相關單字
您是否想輸入 ...
.
,
:
;
?
!
(
)