<夫妻>

李勤岸
注釋
1. 永永世世 〔íng íng sè sè〕 :表示永遠的意思,詩中用「永永世世」有語氣強化的作用
2. 〔pîng〕 :邊、旁。表示所在位置,「東爿」即是東邊的意思。
3. 躊躇 〔tiû-tû〕 :猶豫、遲疑
4. 〔hu〕 :輕輕的摸
5. 袂煞 〔bē-suah〕 :不會停止、不會結束
題解

      拄看著〈夫妻〉這首詩,敢若是男女結婚的誓詞,毋過詳細共看伊的文字,閣親像是咧描寫臺灣這个島嶼佮四周圍的海岸的關係。咱會當想看覓:若準未來有一工,佮咱家己同齊行入去結婚禮堂的對象,喙裡所唸的毋是千篇一律的「無論生、老、病、死,無論破病抑是健康……」遐的古板的誓言,顛倒是像這首詩的內容,咱會有啥物感覺咧?

      像「結婚」這種人生中重要的儀式,綴傳統來行應該是上安全的做法。毋過,若準用這首詩的表達方式,無的確嘛會當加添浪漫的氣氛呢!詩內底透過島嶼佮海洋、岩岸參沙岸等各種臺灣的風景地貌,若親像咧描述作者佮伊的牽手之間的關係。毋過,若準咱共伊當做是咧描寫生活佇臺灣這塊土地的人民佮臺灣這个島嶼的關係,甚至嘛會當講是島嶼佮海洋的關係,這首〈夫妻〉就毋是單純的情詩矣。

作者

     李勤岸本名李進發,1951年佇台南新化出世。美國夏威夷大學語言學博士,捌擔任臺灣師範大學臺灣語文學系教授,而且捌連續三年得著教學傑出獎。嘛捌佇美國哈佛大學擔任教職、台文筆會創會理事長、教育部國語會委員、台灣母語聯盟第一、二屆理事長。閣捌得著榮後台灣詩人獎、南瀛文學傑出獎、台灣文化獎,南二中百週年慶傑出校友等獎項。

     李勤岸的著作豐富,已經出版的有《人面冊ê花蕊》、《人面冊ê季節》、《人面冊ê傳奇》、《食老才知ê代誌》、《咱攏是罪人》、《大人囡仔詩》15本詩集;散文集《哈佛台語筆記》、《新遊牧民族》、《海翁出帆》;論文集《台灣話語詞變化》、《語言政治kap語言政策》、《母語教育:政策及拼音規劃》、《白話字文學:台灣文化kap語言、文學ê互動》等將近50冊。

     李勤岸認為一个詩人應該不斷寫作,不斷超越家己。作品愛先要求量有夠濟,才有可能要求品質。伊的創作多數是自由體現代詩,將韻文詩的元素融入自由體當中,比如講押韻佮重複的句式。伊嘛捌佇1987年提出「音韻上歌謠化、語言上口語化、意識上社會化、精神上批判化、形式上規律化、長度上簡短化」的創作理念,想欲替詩打造一个完整閣規律的形式。伊利用淺白的語言、優美的音韻、生動的比喻、強烈的對比、利劍劍的諷刺佮鮮沢的象徵來創作,而且佇作品內底傳達出對臺灣這塊土地的疼惜。

問題與討論

1.這首詩以〈夫妻〉為名,毋過內容煞完全無描寫著男女的具體形象,顛倒咧描寫島嶼佮海洋以及島嶼佮海岸的關係,你認為作者是按怎會按呢寫?請講出你的理由佮看法。

2. 就這首詩的文字來看,你感覺詩內底描述的島嶼上有可能是啥物島?請對詩內底提出證據來說明。

3.這首詩分做兩擺共夫妻的角色對換,毋管是「夫」抑是「妻」,攏捌用島嶼做過比喻,這種寫法敢有啥物意義?請你講看覓。

4. 若準這首詩的內容完全無改變,予你家己訂題目,你會共訂做啥物題目?請講出你的理由。

賞析

     〈夫妻〉這首詩的比喻,表現佇伊的創造性。李勤岸自細漢佇臺灣出世、成長,對島嶼、海岸佮海洋的關係應該是足熟似的,伊就是對咱一般人攏真熟悉的審美觀出發,建立伊個人特殊又閣新奇的聯想。伊共「妻」比喻做「美麗的島嶼」,將家己比喻做「殷勤固守的海岸」,然後「佇東爿」是「岩岸」,「佇西爿」是「沙岸」,這佮臺灣海岸的真實景象閣真正符合,表面上咧描寫「景象」,卻是一種「虛中有實」的比喻,因為主題是「夫妻」煞咧寫「島嶼」佮「海岸」,敢毋是虛中有實的手路咧?

     紲咧「予你一切的躊躇佮驚惶/安心靠踮我的肩胛」,「寬寬仔共你撫、共你惜/安慰你所有受傷的痕跡」,這幾句的重點咧描寫「夫妻」的「情」,會當看做是「實中有虛」的比喻。這種單純的比喻(「島嶼」佮「海岸」)抑是較複雜的比喻(海岸又閣分別比做東爿的「岩岸」佮西爿的「沙岸」)。表面上簡單的詩句本身,透過這種書寫,就已經呈現出單純又閣複雜的美感。

     〈夫妻〉這首詩,除了最後一葩彼三句,頭前總共分做六葩,前三葩佮後三葩的比喻干焦淡薄仔做變化,成做一種美感的對比。就親像題目〈夫妻〉這个詞所呈現的樣貌,是一曲和諧的愛情二重奏,若準共其中任何段落囥傷重抑是放傷輕,規首詩的結構就會重頭輕,按呢〈夫妻〉之間和諧的二重奏就會變做無平衡的單相思矣。

學習單

1.學習任務分解現代詩的手路:比喻

這首詩分做兩擺共夫妻的角色對換,干焦用單純的比喻就共規首詩完成,請各位同學分析這首詩內底夫妻的角色,所使用的比喻,簡單記佇正爿的空格仔內,閣講看覓。

段落

夫妻

夫妻的比喻

第一段

(~三葩)

你若是美麗的島嶼
我就是圍佇你四周圍
永永世世1
為你殷勤固守的海岸

 

佇東爿
我是勇壯可靠的岩岸
予你一切的躊躇3佮驚惶
安心靠踮我的肩胛

 

佇西爿
我是溫柔體貼的沙岸
寬寬仔共你撫、共你惜
安慰你所有受傷的痕跡

 

 

夫:

 

 

 

 

 

妻:

第二段

(~六葩)

我若是孤單的島嶼
你就是圍佇我四周圍
永永遠遠
佮我戀愛袂煞的海洋

 

佇東爿
你是心胸開闊的太平洋
接納我的每一條溪流
嘛接納溪流內底全部的泥沙

 

佇西爿
你是深情的海峽
柔和閣保守
予我時常醉踮你的愛裡

 

夫:

 

 

 

 

 

妻:

第三段

(第七葩)

愛,予咱做伙
親像天親像地
遐爾久、遐爾長

夫:

 

 

妻:

 

 

 

資料提供:
發音
意義
衍伸詞
參考例句

輔助小鍵盤

ˋ
^
ˇ
-
'
閩南語線上輸入法 ( 測試版 )
查詢中
查無相關單字
您是否想輸入 ...
.
,
:
;
?
!
(
)